Fara beint í spjallið

Efnisflokkur

Tækni, vefsíður og tölvuvinna

Tæknihjálp á íslensku er sjaldgæf og tæknihjálp sem talar mannamál er enn sjaldgæfari. Hér er hvorugt vandamál.

Vefsmiðurinn býr til fullbúna íslenska vefsíðu fyrir starfsemina þína — litapallettu, leturpörun, texta og uppbyggingu sem virkar í síma og er rétt uppsett fyrir leitarvélar.

Að auki: Excel- og Sheets-formúlur útskýrðar, tölvuvandamál greind skref fyrir skref, netöryggi og svikapóstar, og hjálp við skjöl og skráasnið.

Spyrja Hafdísi núna

5 tilbúnar fyrirspurnir í þessum flokki

Hver þeirra er fullbúin íslensk fyrirspurn. Smelltu á hana á forsíðunni og svarið kemur strax — eða lestu hana hér og orðaðu þína eigin útgáfu.

  1. Smíða vefsíðu

    Frá einni lýsingu í fullbúna íslenska vefsíðu.

    Smíðaðu fullbúna íslenska vefsíðu fyrir starfsemina sem ég lýsi: forsíðu með hetjukafla, þjónustuyfirlit, um-okkur, umsagnir, verðskrá og samskiptaform. Veldu litapallettu og leturpörun sem passa við starfsemina og skýrðu valið í tveimur setningum. Allur texti skal vera á vandaðri íslensku, síðan á að líta vel út í síma og fyrirsagnastigin rétt uppbyggð fyrir leitarvélar.

    vefsíðaheimasíðavefsmiðurvefhönnunfyrirtækjasíða

  2. Finnast á Google

    Íslensk leitarorð og hvað þarf að laga á síðunni.

    Ég lýsi starfsemi minni og vefsíðu. Gerðu leitarvélaáætlun fyrir íslenskan markað: fimmtán raunhæf íslensk leitarorð sem fólk slær inn (ekki enskuþýdd), flokkuð eftir því hversu líklegt er að ná þeim. Fyrir hvert: hvaða síða á að svara því og hvaða titill og lýsing ætti að standa þar. Bættu við lista yfir tæknileg atriði sem þarf að laga og hvernig ég skrái mig á Google Business. Endaðu á þremur efnishugmyndum sem myndu draga íslenska umferð.

    SEOleitarvélabestunGoogleleitarorðvefumferð

  3. Excel og töflureiknir

    Formúlan sjálf, útskýrð svo hún gleymist ekki.

    Ég lýsi því sem ég þarf að reikna í Excel eða Google Sheets. Skilaðu formúlunni sjálfri tilbúinni til að líma inn, og útskýrðu hvern hluta hennar á íslensku. Segðu hvað gerist ef gögnin eru tóm, með villum eða í röngu sniði, og hvernig ég ver formúluna gegn því. Ef betri leið er til en formúla — snúningstafla, gagnasía eða skilyrt snið — nefndu hana og af hverju. Endaðu á einu dæmi með raunverulegum tölum svo ég sjái að þetta virki.

    ExcelGoogle Sheetsformúlatöflureiknirsnúningstafla

  4. Tölvuvandamál greint

    Skref fyrir skref, á mannamáli, án hroka.

    Ég lýsi tölvu-, síma- eða netvandamáli. Greindu það skref fyrir skref: byrjaðu á líklegustu orsökinni og segðu hvernig ég staðfesti hvort hún sé rétt áður en ég geri nokkuð. Farðu svo niður listann. Fyrir hvert skref: hvað ég geri nákvæmlega, hvað ég ætti að sjá ef það virkaði, og hvað ég geri ef ekki. Notaðu íslensk heiti á það sem ég sé á skjánum. Vara mig sérstaklega við hverju skrefi sem gæti eytt gögnum, og segðu hvenær það borgar sig að hætta og fá fagmann.

    tölvuhjálptölvan virkar ekkinetvandamálsíminnvilluleit

  5. Netöryggi og svikapóstar

    Er þetta svindl? Og hvað geri ég núna?

    Ég lími inn skilaboð, tölvupóst eða vefslóð sem ég er ekki viss um. Metið hvort þetta sé svindl: farðu yfir sendanda, orðalag, slóðir, tímapressu og hvað er beðið um, og segðu hversu líklegt er að þetta sé falsað og af hverju. Ef þetta er svindl, segðu hvað ég geri strax í réttri röð — og hvað ég geri EF ég er þegar búin að smella eða gefa upplýsingar. Nefndu hvert á Íslandi maður tilkynnir svona. Ekki opna slóðina sjálf og ekki biðja mig um lykilorð, kortanúmer eða rafræn skilríki.

    svikapósturnetsvikphishingnetöryggivefveiðarlykilorð

Aðrir efnisflokkar